ലോക്ക് ഡൗൺ കാലത്തെ ആരോഗ്യ ചിന്തകൾ- 16
നെല്ലിക്ക
- പോഷക ഗുണങ്ങളുടെയും ഔഷധ മൂല്യങ്ങളുടെയും വലിയ കലവറയാണ് നെല്ലിക്ക.
- വൈറ്റമിൻ സി ഏറ്റവും കൂടുതൽ അടങ്ങിയിരിക്കുന്ന ഫലമാണ് നെല്ലിക്ക.
- അകാലനര പ്രതിരോധിക്കാനും മുടികൊഴിച്ചിൽ തടയാനും നെല്ലിക്ക ദിവസവും കഴിക്കാവുന്നതാണ്.
- നെല്ലിക്ക നീരും മഞ്ഞൾപൊടിയും ചേർത്ത് കഴിക്കുന്നത് പ്രമേഹത്തിനു ഉത്തമമാണ്.
- കാഴ്ചശക്തി മെച്ചപ്പെടുത്തുന്നതിനും തിമിര സാധ്യത കുറക്കുന്നതിനും നെല്ലിക്ക സഹായകമാണ്.
- ചൂടുകാലത്തു ശരീരതാപം കുറക്കാൻ ഉപകരിക്കുന്നു.
- Anti-oxidants അധികം ഉള്ളത് കൊണ്ട് പ്രതിരോധശേഷി വർദ്ധിപ്പിക്കുന്നു.
- ഇരുമ്പിന്‍റെ അംശം ഉള്ളതിനാൽ Hb വർധിപ്പിക്കുന്നു, വിളർച്ച തടയുന്നു.
നെല്ലിക്കയുടെ എല്ലാ ഗുണങ്ങളും ലഭിക്കുന്ന വിധത്തില്‍ തയ്യാറാക്കാവുന്ന സ്വാദിഷ്ഠമായ ഒരു ജ്യൂസ് ഇതാ:
നെല്ലിക്ക ജ്യൂസ്
ചേരുവകള്‍
2 ഗ്ലാസ് ജ്യൂസിന്
- നെല്ലിക്ക - 8 എണ്ണം
- ഇഞ്ചി - ഒരു കഷ്ണം
- പച്ചമുളക് - 1
- ഉപ്പ്‌ - ആവശ്യത്തിന്
- വെള്ളം- 2 ഗ്ലാസ്
തയ്യാറാക്കുന്ന വിധം
- നെല്ലിക്ക കുരു കളഞ്ഞു ഇഞ്ചി, പച്ചമുളക് എന്നിവ ചേർത്ത് മിക്സിയിൽ നന്നായി അരച്ചെടുക്കുക.
- ഇതിൽ ആവശ്യത്തിന് ഉപ്പും 2 ഗ്ലാസ് വെള്ളവുമൊഴിച്ചു വീണ്ടും മിക്സിയിൽ അടിച്ചു അരിച്ചെടുത്തു ഉപയോഗിക്കാവുന്നതാണ്.
- വേണമെങ്കിൽ തേനോ നാരങ്ങാനീരോ മല്ലിയിലയോ ചേർക്കാം.
