ലോക്ക് ഡൗൺ കാലത്തെ ആരോഗ്യ ചിന്തകൾ -15
മത്തങ്ങ
- വിറ്റാമിനുകളുടെയും മിനറലുകളുടെയും കലവറയാണ് മത്തങ്ങ.
- വിറ്റാമിൻ A അധികമായി അടങ്ങിയിരിക്കുന്നതിനാൽ മത്തങ്ങ കഴിക്കുന്നത് കണ്ണിന് ഉത്തമമാണ്. സിങ്ക് ഉള്ളതിനാൽ കണ്ണിലെ റെറ്റിനയുടെ ആരോഗ്യം സംരക്ഷിക്കും.
- വിറ്റാമിൻ -ബി ഉള്ളതിനാൽ പ്രതിരോധശേഷി വർധിപ്പിക്കും.
- ജലാംശവും നാരുകളും ധാരാളമായി അടങ്ങിയിട്ടുള്ളതിനാൽ തടി കുറക്കാൻ സഹായിക്കും.
- ഇതിലുള്ള ബീറ്റ കരോട്ടിൻ, ആൽഫ കരോട്ടിൻ എന്നിവ ചർമ്മത്തിന്റെ ആരോഗ്യം സംരക്ഷിക്കാൻ ഉപകരിക്കും.
- മഗ്നീഷ്യം, പൊട്ടാസ്യം എന്നിവ രക്തസമ്മർദ്ദം തുലനപ്പെടുത്താൻ സഹായിക്കും.
മത്തങ്ങ കൊണ്ടു ഉണ്ടാക്കാവുന്ന ഒരു വിഭവം ആണ് ഇന്ന് പരിചയപ്പെടുത്തുന്നത്:
മത്തൻ അട
- മത്തങ്ങ - 1/2 (ചെറുതിന്റെ)
- ശർക്കര ചീകിയത്- 1/2 കപ്പ്
- അരിപ്പൊടി- 1 കപ്പ്
- തേങ്ങാപ്പീര- 1/2 കപ്പ്
- ഏലക്ക- 5 എണ്ണം
- നന്നായി പഴുത്ത മത്തങ്ങ തൊലി കളഞ്ഞു ചെറിയ കഷ്ണങ്ങളായി മുറിച്ചു അല്പം വെള്ളം ചേർത്ത് വേവിച്ചു ഉടച്ചെടുക്കുക.
- ഇത് അടുപ്പിൽ ചെറുതീയിൽ വച്ച് വെള്ളം വറ്റിച്ചെടുക്കുക. ഇതിലേക്ക് ശർക്കര, തേങ്ങാപ്പീര, ഏലക്ക പൊടി എന്നിവ ചേർത്ത് കട്ടിയാക്കി എടുക്കുക.
- ചെറുചൂടുവെള്ളം ചേർത്ത് കുഴച്ച അരിപ്പൊടി വാഴയിലയിൽ പരത്തുക. പരത്തിയ മാവിന് നടുവിൽ ഈ മിശ്രിതം വച്ച് ഇല മടക്കി ആവിയിൽ വേവിച്ചെടുക്കുക.